Embannet eo bet ar c'heleier gant Anton Burel

Prezidant departamant Penn-ar-Bed a vo barnet hiziv e afer an RSA

Hiziv e vo barnet e Brest prezidant departamant Penn-ar-Bed, Mael de Calan, ha rener servijoù an an RSA en departamant evit « harelerezh melestradurel ». Kaset int bet dirak al lez-varn gant ar CGT ha c'hwec'h den a reseve an RSA. Re a wask a vez laket war an dud vresk hervezhe. Maelenn Bernard a resev an RSA en departamant, a-brantadoù, abaoe eizh bloaz. Santet he deus e oa strishaet politikerezh an departamant hag e oa graet ar c'hontroloù RSA mod nevez evit lakaat an dud diaes.

Ur pennad-kaoz gant Metig Jakez-Vargas

Ar Plastic Odyssey a oa e Konk-Kerne e-pad an Dibenn sizhun

Ur vag divountin a oa posupl gweladenniñ e-pad an dibenn sizhun e Konk-Kerne : ar Plastic Odyssey. War vourzh e kaver mekainkoù da adaozañ ar plastik hag ijinadennoù low-tech. Deskiñ a reer ivez e peseurt mod e vev an akipaj hep plastik pe dost. Ul lec'h evit deskiñ eo, a ginnig diskoulmoù pleustrek. Marin In, martolod ha keginer e-bourzh ar Plastic Odyssey, a gont hiroc'h deomp war ar pezh a vez graet gante. 

Ur pennad-kaoz gant Metig Jakez-Vargas

Ha da glevet ivez :

• Kavet o deus Iran ha Stadoù Unanet un emglev war ar peoc'h e Kornog Azia

• G7 e Evian ha No G7 e Geneva

• Arnodenn dre-skrid kentañ ar vachelouriezh

• Krogadoù melldroad Kib ar Bed

• Gourfenn Kib Breizh : aet eo ar maout gant Pondi !